Poesias e chanzuns

Poesias e chanzuns da chatscha

Jon Domenic Vital, Men Rauch, Rico Guler e Christian Werro

Il chatschader da chamuotschs


Ad ün chatschader in Val Tramblai
es capità alch: "Uoss"pür tadlai!"
Ün toc amunt es el rivà,
"I tagli"il vainter, ma chi sa?"

Fond gi las chotschas be planin,
sta"l gi per far cac e pischin,
uoss" d"eira"l güsta landervia
schi daja schon ün scruoschida.

Be planin il cheu tgnü sü,
ün clap bocun ün toc plü"n sü.
Sün quel quel motin stoust bain pozzar
lur"ün bel tun vainst tü da dar.

Tut sü per trar ha"l il bastun
in quista gronda confusiun,
gi sün mai il boc guardaiva
cun duos ögluns eu"s di, pel vaira.

"Che bes-ch"es quist", pensà vara"l,
"trat aint dad alb da mez aval?"
E cur il tun el trar güst laiva
capita güst"na grond"surpraisa.

Ai, ün sbraj, ün sigl, ha"l lur fat sü
che briclöz pel vainter sü,
cha"l dianzer schi, ün furmier
e"l boc davent, quai es bain cler.

Il boc füss meis, che bella sporta,
scha vess be tut e fat in chotscha,
bainschi vess lur"ün pa spüzzi,
ma"l boc füss mort e na mütschi.

Sco"l silip pel god intuorn
tuot briclaiva da gnir stuorn,
plü tard las chotschas ha"l trat sü,
da quistas nu fara"l mai plü.

Jon Domenic Vital

Il chatschader s-chet rumantsch


Voust esser ün nimrod da schlantsch,
il prüm imprenda s-chet rumantsch,
ils pleds tudais-ch lascha davent,
scha voust cha"l boc nu pigl"il vent !

Il Stutzer s"discha il schluppet,
il Blattschuss es il tun da pet.
Il Stecher quai es il schlöppin
il Zweier s"discha il quintin.
Il nom per "Schaft es parachonna
la "Hütta" s"discha la chamonna.
Il "Korn es per rumantsch la muos-cha
e per il "Zweig as disch la fruos-cha.
Il "Kolben , char ami, es alch
chi"s disch in s-chet rumantsch il chalch.
La "Mündung" es l"imboccadüra
il "Zug dal Lauf" la rajadüra.
"Verkanten as po dir sveular
o eir tgnair veul il puffer.
Cha quel chi sveula sto fallar
es cler a mincha pluffer.
Cur cha hast fom, hast eir la bligna,
cur hast gnü "Pech hast gnü la tigna.
La "Vorgeiss per rumantsch nu quadra
perquai nomnain nus la manadra!
Il "Reh que es il chavriöl
e Gitzi s"disch pro nus uzöl.
Il term per Hohllicht es tschêlviv
e "Dummkopf" s"disch lavativ.
Il "Frevler" es il frodulader
e per il "Saufer" dschain bavader.
"Visier" que es la visiera,
e Nebelmeer es mar da tschiera.
Il "Druckpunkt" es il puntasfrach
il term per "Absatz" es il tach.
Ma tschel "Absatz" es il siloc
"Gemsbart" per es barba d"boc.
Tour "Vollkorn" s"disch tour mera plaina
il pled per "Tobel" es vallaina.
Il "Bauchschuss" es tun da buttatsch
ed il "Verschluss" es il serratsch.
Per "Rucksack" sachadöss stoust dir
"Putzstock" bachetta da pulir.
Il "Streifschuss" es ün tun spizzond
e "Pirschen" es chatschar guettond.
La "Sicherung" es la sgüranza
"Anstand" per as disch creanza.
Ma star sül "Anstand" star sül post
ed ün bun "Braten" ün bun rost!

Imprenda quai bain ourdadora
per mincha pled fa aint ün nuf,
e giond a chatscha fast furora.
Dal rest ami : In bocca d"luf !

Men Rauch

Tardanna


I"l temp da chatsch"as vezza
chatschaders a sfratom
tuots giran cun sgürezza
chi fand canera, chi plü lom.

Al tavolin in usteria
ils sbagls da tschels
san quintar sü
chi taidla e chi ria
pel solit quintan bler daplü.

Mo cur chi"s tratta da pavlar
d"inviern la sulvaschina
els svessa san be critichar
e stan in davopigna.

Rico Guler

Chanzun Tardanna


1.
S'avicin il mais settember,
ils chatschaders dorman mal,
els insömgian dür e tender,
dal boccun - süsom la val.

2.
Van a tir bod in butatschas,
sco chi tocca plan planin,
il schluppet es bain in fatscha,
qua va jo - il svögliarin.

3.
Uoss'est quà, ün muond tuot ester,
il boccun quel nun es plü,
quai vess dat'na bella festa,
oramai - staraja sü.

4.
E la sair' a l'ustaria,
tuots intuorn il tavolin,
disurrin da cumpagnia,
bod vardats - e bod latin.

5.
Ma il prüm di a bunura,
no sül post stain be muos-chin,
e sperain chi vegn'alura,
ün torun - per far butin.

Melodia:
Chrestawald da Arno Jehle

Chanzun Tardanna


6.
I vain di, e'l di s'avanza,
il torun nu s'ha muossà,
ma perquai es quà la spranza,
no provain - ün'otra ja.

7.
Cha il voul blera furtüna,
no chatschaders quai savain,
ma cha sainza buna glüna,
noss'onur - no nu salvain.

8.
Scha girain per gods e pizza,
e tgnain bain avert ils ögls,
quantas bellas robas s'vezza,
minchadi - es alch danövs.


9.
Eir scha tuot la glieud cagliuna,
cha rivà nun est a tun,
schi da quels daj'üna pruna,
chi la tign' han a tanfun.

10.
Be listess id es la cana,
no amo nu jain a chà,
ün'eviva la Tardanna,
e nos drets - da libertà.

Pleds:
Christian Werro

Programs 15.01.2024

Infuormaz. 15.01.2024

Chatscha 24.02.2024

Realisà da Lorenz Scandella
lorenz.scandella@bluewin.ch

Visitaturs

In bocca d'luf

    Tage
    Std
    Min
    Sek

La previsiun da l'ora

Arrandschamạints da nossa società e oter plü, guarda chalender

März 2024
MoDiMiDoFrSaSo
    123
45678910
11121314151617
18192021222324
25262728293031